Leviticus 9:1 ουοϩ αςϣωπι ϧεν πιεϩοου `μμαϩ 8. αϥμουϯ `νϫε μωυςης εααρων νεμ νεϥϣηρι νεμ νιϧελλοι `ντε πιςραηλ

Leviticus 9:2 ουοϩ αϥϫος νααρων ϫε ϭι νακ `νουμαςι εβολ ϧεν ϩανεϩωου εθβε `φνοβι νεμ ουωιλι ευϭλιλ νϫοϥϫεϥ εϥοι `ναταϭνι ουοϩ ανιτου εϧουν `μπεμθο `μ`πϭοις

Leviticus 9:3 ουοϩ νιϧελλοι `ντε πιςραηλ εκεςαϫι νεμωου εκϫω `μμος ϫε ϭι `νουβαρηιτ εβολ ϧεν ϩανβαεμπι εθβε `φνοβι νεμ ουωιλι ευϭλιλ νϫοϥϫεϥ νεμ ουμαςι νεμ ουϩιηβ εαϥερ ουρομπι ευουταϩ εϥϣηπ εϥοι `ναταϭνι

Leviticus 9:4 νεμ ουμαςι εβολ ϧεν ϩανεϩωου νεμ ουωιλι ευϣουϣωουϣι ννοϩεμ `μπεμθο `μ`πϭοις νεμ ουςεμιδαλιον εϥουοϣεμ ϧεν ουνεϩ ϫε `νϩρηι ϧεν φοου `πϭοις ϥναουονϩϥ ϧεν θηνου

Leviticus 9:5 ουοϩ αυϭι κατα `φρηϯ εταϥϩονϩεν ετοτου `νϫε μωυςης `μπεμθο `νϯςκυνη `ντε ϯμετμεθρε ουοϩ αςι εϧουν `νϫε ϯςυναγωγη τηρς ουοϩ αςοϩι ερατς `μπεμθο `μ`πϭοις

Leviticus 9:6 ουοϩ πεϫε μωυςης ϫε φαι πε πςαϫι ετα `πϭοις ϫοϥ αριτϥ ουοϩ ϥναουωνϩ ϧεν θηνου `νϫε ουωου `ντε `πϭοις

Leviticus 9:7 ουοϩ πεϫε μωυςης νααρων ϫε ϧοκκ ϧατεν πιμανερϣωουϣι ουοϩ μαθαμιο μφη ετε εθβε `φνοβι νεμ εθβε πεκϭλιλ νϫοϥϫεϥ ουοϩ τωβϩ εϩρηι εϫεν πεκχω εβολ νεμ πεκηι ουοϩ μαθαμιο `ννιδωρον `ντε πεκλαος ουοϩ τωβϩ εθβε πουχω εβολ κατα `φρηϯ εταϥϩονϩεν `νϫε `πϭοις

Leviticus 9:8 ουοϩ αϥϧωντ `νϫε ααρων ϧατεν πιμανερϣωουϣι ουοϩ αϥϧολϧελ `μπικουϫι μμαςι φη εταϥενϥ εθβε `φνοβι πε

Leviticus 9:9 ουοϩ αυινι `νϫε νενϣηρι νααρων `μπι`ςνοϥ ϩαροϥ ουοϩ αϥςωπ `μπεϥτηβ ϧεν πι`ςνοϥ ουοϩ αϥταλο εϫεν νενταπ `ντε πιμανερϣωουϣι ουοϩ πι`ςνοϥ αϥϫοϣϥ εϫεν ϯβαςις `ντε πιμανερϣωουϣι

Leviticus 9:10 ουοϩ `πιωτ νεμ πιϭλωτ 2. νεμ πιλοβος ετχη ϩιϫεν πιϩυπαρ `ντε φη ετε εθβε `φνοβι πε ουοϩ εϥενου εϩρηι εϫεν πιμανερϣωουϣι ` μ`φρηϯ ετα `πϭοις ουαϩςαϩνι ετοτϥ μμωυςης

Leviticus 9:11 ουοϩ νιαϥουι νεμ νιβηρςα αϥροκϩου ϧεν ουχρωμ ςαβολ `νϯπαρεμβολη

Leviticus 9:12 ουοϩ αϥϧολϧελ `ννιϭλιλ νϫοϥϫεϥ ουοϩ α νενϣηρι νααρων αυινι `μπι`ςνοϥ ουοϩ αυϫωϣ ϧατεν πιμανερϣωουϣι εϥκωϯ

Leviticus 9:13 ουοϩ πιϭλιλ νϫοϥϫεϥ αυενϥ ναϥ κατα νεϥμελος νθοϥ νεμ ϯαφε ουοϩ αϥταλωου εϫεν πιμανερϣωουϣι

Leviticus 9:14 ουοϩ ϯνεϫι νεμ νιϭαλαυϫ αϥιαυ εβολ ϧεν ουμωου ουοϩ αϥταλωου εϫεν νιϭλιλ νϫοϥϫεϥ εϩρηι εϫεν πιμανερϣωουϣι

Leviticus 9:15 ουοϩ αϥινι εϧουν `ννιδωρον `ντε πιλαος ουοϩ αϥϭι `μπιβαεμπι φη ετε εθβε `φνοβι `μπιλαος ουοϩ αϥϧελϧωλϥ ουοϩ α `ϥτουβοϥ ` μ`φρηϯ ον μφη ετεϣορπ

Leviticus 9:16 ουοϩ αϥινι εϧουν `μπιϭλιλ `ντε ϫοϥϫεϥ ουοϩ αϥθαμιοϥ ` μ`φρηϯ ετεςϣε

Leviticus 9:17 ουοϩ αϥινι εϧουν `μπιϣουϣωουϣι ουοϩ αϥμοϩ `ννεϥϫιϫ εβολ `μμοϥ ουοϩ αϥταλο εϩρηι εϫεν πιμανερϣωουϣι χωρις πιϭλιλ `ντε ϣωρπ

Leviticus 9:18 ουοϩ αϥϧολϧελ `μπιμαςι νεμ πιωιλι `ντε πιϣουϣωουϣι `μπιουϫαι φη ετε `ντε πιλαος ουοϩ α νενϣηρι νααρων αυινι `μπι`ςνοϥ ϩαροϥ ουοϩ αϥϫοϣϥ εϫεν πιμανερϣωουϣι εϥκωϯ

Leviticus 9:19 νεμ `πιωτ ετε εβολ ϧεν πιμαςι νεμ εβολ ϧεν πιωιλι ϯϯπι νεμ `πιωτ ετϩωβς εβολ εϫεν ϯνεϫι νεμ πιϭλωτ 2. νεμ `πιωτ ετϩιϫωου νεμ πιλοβος ετϩιϫεν πιϩηπαρ

Leviticus 9:20 ουοϩ αϥταλο `ννιωτ εϫεν ϯμεςτενϩητ ουοϩ αϥινι `ννιωτ εϩρηι εϫεν πιμανερϣωουϣι

Leviticus 9:21 ουοϩ ϯμεςτενϩητ νεμ πιϣωβϣ `νουιναμ αϥολου `νϫε ααρων ευφωρϫ εβολ `μπεμθο `μ`πϭοις κατα `φρηϯ εταϥουαϩςαϩνι ετοτϥ μμωυςης

Leviticus 9:22 ουοϩ ααρων αϥφωρϣ `ννεϥϫιϫ εβολ εϩρηι εϫεν πιλαος αϥςμου ερωου ουοϩ αϥι εϧρηι εταϥιρι `μπιϣουϣωουϣι ετε εθβε `φνοβι νεμ πιϭλιλ νϫοϥϫεϥ νεμ νη `ντε πινοϩεμ

Leviticus 9:23 ουοϩ αϥι `νϫε μωυςης νεμ ααρων εϧουν εϯςκυνη `ντε ϯμετμεθρε ουοϩ εταυι εβολ αυςμου επιλαος τηρϥ ουοϩ α πωου `μ`πϭοις ουονϩϥ επιλαος τηρϥ

Leviticus 9:24 ουοϩ αϥι εβολ `νϫε ουχρωμ εβολ ϩιτεν `πϭοις ουοϩ αϥουωμ ννη ετχη ϩιϫεν πιμανερϣωουϣι νιϭλιλ νεμ νιωτ ουοϩ αϥναυ `νϫε πιλαος τηρϥ ουοϩ αϥτωμτ ουοϩ αυϩει εϫεν πουϩο